د ایران د قرآنی نړیوالو سیالیو د ۴۱ پړاؤ د ورځې او وخت اعلان(لیسټ)

ایکنا- د ایران داسلامی جمهوریت د قرآن د نړیوالو سیالیو یو څلویښتم پړاؤ په رسمي توګه د سلواغې د میاشتې د اومې  نیټې په ماښام  د پرانیستونکو دستورو په ترسره کیدا سره پیلیږي او دغه پیښه  د پایزو دستورو  او د  نتیجو تر اعلان پورې دوام لري. 

ایکنانیوز  راپور راکوي، د ایران د اسلامی جمهوریت د قرآن دنړیوالو سیالیو یو څلویښتم پړاؤ نهائي مرحله  د سلواغې د میاشتې د اومې نیټې یعنی د یکشنبې په ماښام  په مشهد مقدس کې او د  رضوي مقدس آستان په کوربتوب سره پیلیږي او د ددغې میاشتې تر دولسمې نیټې پورې به دوام ولري.

د اوقافو   او د خیریه  چارو ادارې د قراني چارو مرکز د سیالیو دترسره کیدا دعمومی ورځو پروګرام خپور کړی دی او  دهغو په اساس ، د پرانیستونکو دستورو ترسره کیدا به د ا ومې نیټې ماښام  له شپږ نیمو بجو څخه  تر نهو بجو پورې د رضوي مقدس حرم په قدس هال کې ترسره شي.

د همدغې ورځې په سهار  مرحلې کې  به د ګډون کونکو او قاضیانو له خوا د امام رضا علیه السلام د  آستان د  متبرکه  ځایونو کتنه او ډله ایز زیارت او د قاضیانو  د توجیهي ناستې  شاهد وي.

 سیالۍ به د سلواغې د میاشتې د اتمې یعني د دوشنبې له سهار څخه پیل شي او  د سیالیو د اعلان شوي پروګرام په اساس  د  سهار وار به د میرمنو د برخې د سیالیو او د مازدیګر  او ماښام به  هم د ښاغلو  د برخې سیالۍ  ترسره شي.

د ټول قرآن  د حفظ او ترتیل د قرائت په دوو څانګو کې  د میرمنو سیالۍ  ترسره کیږی او  له اتمې تر لسمې نیتې پورې به  سهار له اته نیمو بجو راهسې تر یولس نیمو بجو پورې د رضوي مقدس حرم په قدس تالار کې روانې وي. او  د عامو میرمنو لپاره  ورتلل آزاد دي.

د ښاغلو دبرخې سیالۍ هم  د ټول قرآن کریم د حفظ او ترتیل د قرائت او د تحقیق د قرائت په درو څانګو کې  د سلواغې د اتمې نیټې  له ماسپيښین دوه نیمو بجو راهسېئ پیلیږي  . دغه برخه  به هم له دوشنبې ورځې راهسې تر پنجشنبې  ورځې پورې  له دوه نیمو بجو تر پاؤ کم نهو بجو پورې روانه وي.

د سلواغې یولسمه نیټه پنجشنبې ورځ  به د ښاغلو په برخې کې د ټول قرآن کریم د حفظ او د تحقیق د قرائت  په دوو څانګو کې د  فینال  شاهده وي.

همداراز ددغه پړاؤ پایزې دستورې به د  سلواغې  ددولسمې نیټې  جمعې په ورځ  مازدیګر  ترسره شي او  د ښآغلو د بخرې د سیالیو په تولو ورځو کې  ورتلل دعامو خلکو لپاره آزادي او دغه ټوله سیالۍ به د قرآن او معارفو ټیلیویژنی چینل څخه په ژوندئ  او مستقیمه  بڼه خپرې شي.

ددغو سیالیو به ترڅ کې یو بل پروګرام  چې د سلواغې په یولسمه نیټه  ترسره کیږي،  د قدس رضوي  آستان له منجوّر سره د ایران د اسلامی جمهوریت د  قرآن دن ړیوالو سیالیو د قاضیانو،ګډون کونکو او پرنسلو  لیده کاته هم شامل دي.

https://iqna.ir/fa/news/4261650